Viloyat hokimi o‘rinbosari Sharof Rashidov tumanida ajralish yoqasidagi oilalar bilan yarashtiruv suhbatlari o‘tkazdi
2026-10-20 08:40:00 / Yangiliklar
Shu bois oilalarni asrab-avaylash, oilaviy nizolarning oldini olish, er-xotin o‘rtasidagi kelishmovchiliklarni tinch yo‘l bilan hal etish hamda farzandlar manfaatlarini himoya qilish muhim ahamiyatga ega.
Shu maqsadda Sharof Rashidov tumanidagi "Oila maskani”da ajralish yoqasiga kelib qolgan oilalar ishtirokida yarashtiruv suhbatlari va muhokamalar tashkil etildi.
Uchrashuvdan ko‘zlangan asosiy maqsad oilalardagi kelishmovchiliklar sabablarini aniqlash, muammolarni o‘zaro muloqot orqali hal etishga ko‘maklashish hamda oilalarni saqlab qolishdan iborat bo‘ldi.
Suhbatlar davomida 12 ta oilada yuzaga kelgan nizolar, kelishmovchiliklarning kelib chiqish sabablari va ularni bartaraf etish imkoniyatlari atroflicha muhokama qilindi. Ishtirokchilar bilan oilada o‘zaro hurmat, ishonch, sabr-toqat va mas’uliyatning o‘rni haqida fikr almashildi. Shuningdek, har qanday muammoni shoshma-shosharlik bilan emas, balki bir-birini tinglash, tushunish va murosaga kelish orqali hal etish muhimligi tushuntirildi.
Olib borilgan tushuntirish ishlari, samimiy suhbatlar va yarashtirishga qaratilgan sa’y-harakatlar natijasida 12 ta oilaning 3 tasini yarashtirishga erishildi. Bu esa oilaviy muammolarni o‘z vaqtida aniqlash, ularga befarq bo‘lmaslik va zarur paytda amaliy ko‘mak ko‘rsatish naqadar muhimligini ko‘rsatadi.
Oilalarda sog‘lom ma’naviy muhitni shakllantirish, nizolarning oldini olish va ajralish holatlarini kamaytirishga qaratilgan bunday uchrashuvlar izchil davom ettirilishi muhim.
Chunki oilani asrash — faqat er-xotinning emas, balki farzandlar kelajagi va jamiyat oldidagi mas’uliyat hamdir.