🎥 Videoreportaj: Jizzaxda yangi o‘quv yiliga tayyorgarlik ishlari yakunlanmoqda
2026-08-24 11:00:00 / Yangiliklar
Jizzax viloyatida yangi 2026–2027 o‘quv yiliga tayyorgarlik doirasida ta’lim muassasalarida amaliy ishlar olib borilmoqda.
Viloyatda 571 ta umumta’lim maktabiga 34 523 nafar 1-sinf o‘quvchisini qabul qilish rejalashtirilgan. Shuningdek, 1-sinf o‘quvchilari uchun 12 nomdagi o‘quv qurollari va darsliklardan iborat «Prezident sovg‘alari» yetkazilmoqda.
Mustaqillikning 35 yilligi arafasida 24 ta ta’lim muassasasi foydalanishga topshirilishi kutilmoqda. Olis hududlardagi o‘quvchilar uchun 6,6 milliard so‘m hisobidan 15 ta mikroavtobus xarid qilindi. Yangi o‘quv yilida 100 ta maktabda xorijlik mutaxassislar ishtirokida chet tillarini o‘qitish yo‘lga qo‘yiladi.
📹 Batafsil — videolavhada.