Tog‘ayeva Yulduz Abduraimovna «Faol tadbirkor» ko‘krak nishoni bilan taqdirlandi
2026-08-20 10:00:00 / Yangiliklar
G‘allaorol tumanidagi «NEW-WORLD-SAVDO» oilaviy korxonasi tashkilotchisi Tog‘ayeva Yulduz Abduraimovna Tadbirkorlar kuni munosabati bilan nishon bilan taqdirlandi!
15 yillik mehnat stajiga ega Yulduz opa 2020-yildan buyon korxonaga rahbarlik qilib, ishlab chiqarish hajmini yildan-yilga oshirib bormoqda: 2023-yilda 2,2 milliard, 2024-yilda 2,5 milliard, 2025-yilda esa 2,7 milliard so‘mlik mahsulot ishlab chiqarilgan.
«Lider tadbirkor» loyihasi doirasida 18 nafar og‘ir turmush sharoitidagi ayolni tikuvchilik faoliyatiga jalb etib, doimiy ish bilan ta’minlagan, shuningdek nogironligi bo‘lgan 5 nafar ayolni kasbga o‘rgatgan.
Yulduz Abduraimovna jamoat ishlarida ham faol qatnashib, kam ta’minlangan oilalarga kiyim-kechak tarqatish va sunnat to‘ylarini o‘tkazishga ko‘maklashib kelmoqda.