Jizzax viloyatida ipoteka subsidiyalarini o‘zlashtirish darajasi yuqori ko‘rsatkichni qayd etmoqda
2026-06-22 09:00:00 / Yangiliklar
Iqtisodiyot va moliya vazirligi ma’lumotiga ko‘ra, ushbu davrda respublika bo‘yicha 21 ming 553 nafar fuqaro ipoteka krediti olgan. Shuningdek, ipoteka dasturlari doirasida 6 ming 929 nafar fuqaroga jami 622,8 milliard so‘m miqdorida subsidiya to‘lab berilgan.
Subsidiyalarni o‘zlashtirish darajasi bo‘yicha hududlar reytingida Jizzax viloyati yetakchi hududlar qatorida qayd etildi. Viloyatda mazkur ko‘rsatkich 31 foizni tashkil etib, Xorazm viloyatidan keyingi o‘rinni egalladi. Bu esa hududda aholining ipoteka dasturlaridan samarali foydalanayotganini ko‘rsatadi.
Ma’lum qilinishicha, respublika miqyosida ipoteka kreditining eng yuqori miqdori 380 million so‘mni, o‘rtacha kredit miqdori esa 296,5 million so‘mni tashkil etgan. Toshkent shahrida ushbu ko‘rsatkichlar mos ravishda 480 million va 352 million so‘mga teng bo‘lgan.
Shu bilan birga, subsidiyali ipoteka kreditlari ajratilishi ulushi bo‘yicha «Biznesni rivojlantirish banki” 59 foiz bilan yetakchilik qilmoqda. Keyingi o‘rinlarda «Ipotekabank” (54 foiz), «Turonbank” (52 foiz), «Agrobank” (49 foiz) va «Aloqabank” (45 foiz) qayd etilgan.
Uy-joyga bo‘lgan ehtiyojni qondirish, aholining turmush farovonligini oshirish va ipoteka dasturlaridan foydalanish imkoniyatlarini kengaytirish borasida Jizzax viloyatida ham tizimli ishlar izchil davom etmoqda.