“Dolzarb 90 kun” dasturi doirasida Mirzacho‘l yoshlari uchun keng imkoniyatlar yaratilmoqda
2026-06-19 13:00:00 / Yangiliklar
Mazkur tashabbus doirasida “Agrobank” ATB Jizzax viloyati boshqarmasiga biriktirilgan Mirzacho‘l tumanidagi 13-sonli umumta’lim maktabiga bank tomonidan 500 dona badiiy kitob, 5 ta musiqiy cholg‘u asbobi, 1 komplekt musiqiy kolonkalar jamlanmasi, 5 tadan futbol, voleybol va basketbol to‘plari, shuningdek, 2 ta stol tennisi anjomlari yetkazib berildi.
Ushbu amaliy ko‘mak yoshlarning yozgi ta’til davrini mazmunli o‘tkazishi, ularning kitobxonlik madaniyatini yuksaltirish, sportga bo‘lgan qiziqishini oshirish hamda ijodiy salohiyatini rivojlantirishga xizmat qiladi.
Shuningdek, maktab rahbariyati bilan o‘quvchilar uchun xorijiy tillarni o‘qitish hamda axborot texnologiyalari yo‘nalishida o‘quv to‘garaklarini tashkil etish yuzasidan kelishuvlarga erishildi.
Jizzax viloyati hokimi tashabbusi bilan amalga oshirilayotgan “Dolzarb 90 kun” dasturi doirasidagi bunday ezgu ishlar yoshlarning bo‘sh vaqtini samarali tashkil etish, ularni zamonaviy bilim va ko‘nikmalar bilan qurollantirish, intellektual va jismoniy jihatdan barkamol avlodni tarbiyalashga xizmat qilmoqda.