Dolzarb 90 kun: Jizzaxdagi maktablarga sport va musiqa anjomlari va badiy kitoblar topshirilmoqda
2026-06-16 14:00:00 / Yangiliklar
Yoshlarning ma’naviy va jismoniy kamolotini qo‘llab-quvvatlashga qaratilgan ushbu ezgu tashabbus doirasida AT Aloqabank Jizzax hududiy xizmat ko‘rsatish markazi tomonidan Zomin tumanidagi 73-sonli umumta’lim maktabiga badiiy adabiyotlar, stol tennisi jihozlari hamda turli sport anjomlari topshirildi.
Mazkur xayriya aksiyasi o‘quvchilarning kitobxonlikka bo‘lgan qiziqishini oshirish, sog‘lom turmush tarzini targ‘ib etish hamda ularning sport bilan muntazam shug‘ullanishlari uchun zarur sharoitlarni yanada yaxshilashga xizmat qilmoqda.
Ta’lim maskani jamoasi ko‘rsatilayotgan e’tibor va amaliy ko‘mak uchun minnatdorlik bildirib, taqdim etilgan kitoblar va sport jihozlari yoshlarning bilim va salohiyatini yuksaltirishda muhim ahamiyat kasb etishini ta’kidladi.
Viloyat hokimi tashabbusi bilan amalga oshirilayotgan bunday xayrli ishlar yosh avlodni har tomonlama barkamol etib tarbiyalash, ularning ma’naviy-ma’rifiy hamda jismoniy rivojlanishiga munosib hissa qo‘shmoqda.