Paxtakor tumani hokimligida korrupsiyaga qarshi kurashish bo‘yicha seminar o‘tkazildi
2026-04-09 16:00:00 / Yangiliklar
Seminar davomida ishtirokchilarga davlat organlari, jumladan mahalliy hokimiyat organlarida ayrim mansabdor shaxslar tomonidan sodir etilgan jinoiy xatti-harakatlar, mansab vakolatini suiiste’mol qilish bilan bog‘liq salbiy holatlar haqida atroflicha ma’lumot berildi.
Shuningdek, bugungi kunda korrupsiyaga qarshi kurashish borasida amalga oshirilayotgan ishlar, qabul qilingan normativ-huquqiy hujjatlarning mazmun-mohiyati va ahamiyati, shuningdek, korrupsiya illatini bartaraf etish yo‘nalishlari yuzasidan tushunchalar berildi.
Tadbir davomida korrupsiyaga nisbatan murosasiz munosabatni shakllantirish, bunday holatlarning oldini olish hamda qonun ustuvorligini ta’minlash masalalariga alohida e’tibor qaratildi.
Jizzax viloyati hokimligi Korrupsiyaga
qarshi ichki nazorat shu’basi