Xususan, bugun 5-noyabr kuni Namangan shahrida joylashgan Namangan davlat pedagogika institutida Namangan Harbiy prokurori, Namangan viloyati Favqulodda vaziyatlar boshqarmasi boshlig‘i hamda shahar hokimi tomonidan institut prorektorlari, tyutirlar va tadbirga jalb etilgan shaxsiy tarkib hamda daxldor tashkilotlar xodimlariga ijarada turuvchi talabalar joylarini o‘rganishda amalga oshirilishi lozim bo‘lgan ishlar yuzasidan yo‘riqnoma berildi.

Yo‘riqnomada FVB boshlig‘i tomonidan xonadonlarni o‘rganish davomida kuz-qish mavsumida xonadonlarni isitish maqsadida foydalanilishi mumkin hamda mumkin bo‘lmagan isitish pechlarni o‘rnatish qoida talablarini aks etgan targ‘ibot pano orqali ishchi guruh va yig‘ilganlarga to‘liq tushuntirdi.  

Bu jarayonlar bilan bir vaqtni o‘zida Yangi Namangan tumanidagi Namangan texnika universiteti va uni Davlatobod tumanida joylashgan filialida ham davom ettirildi.

Tadbirda asosan, talabalar turar joylarida yaratilgan sharoitlar, kuz-qish mavsumida isitish tizimi, oshxonalari hamda yuvinish xonalarini isitish tarmoqlari o‘rganilib, bir qator kamchiliklar aniqlandi, ayrimlar o‘z o‘rnida bartaraf etilib, turar joylar egalariga qolgan kamchiliklarni bartaraf etish yuzasidan topshiriqlar berildi va talabalar bilan sodir bo‘lishi mumkin bo‘lgan yong‘in, chaqnash, is gazi va botulizm kasalliklarini oldini olish va xavfsizlik qoidalariga rioya qilish yuzasidan tushuntirildi.