Surxondaryo viloyati Favqulodda vaziyatlar boshqarmasida "Uch avlod uchrashuvi" ma'naviy-ma'rifiy tadbiri bo‘lib o‘tdi
2025-10-17 09:35:00 / Yangiliklar
Unda, yoshlarni vatanparvarlik, ona yurtga muhabbat, milliy qadriyat va an’analarga hurmat ruhida tarbiyalash maqsadida Favqulodda vaziyatlar vazirligi hamda Mudofaa vazirligi tizimda uzoq yillar mehnat qilgan faxriylar hamda yoshlar ishtirokida “Uch avlod uchrashuvi” o‘tkazildi.
Uchrashuv davomida Faxriylar oʻzlarinig mashaqqatli va sharafli hayot yoʻllari haqida soʻzlab hozirgi kunda mamlakatimizda yoshlarga berilayotgan yuksak e’tibor, davlatimiz rahbari tashabbuslari natijasida jamiyatimizning har bir a’zosiga g‘amxo‘rlik ko‘rsatilayotgani, inson qadr-qimmati va uning orzu-niyatlarini ro‘yobga chiqarish uchun keng imkoniyatlar yaratilayotgani alohida ta’kidlandi.
Mazkur uchrashuv yoshlarda yurtga sadoqat, vatanparvarlik va fidoyilik tuyg‘ularini yanada kuchaytirish, avlodlar o‘rtasida ma’naviy bog‘liqlikni mustahkamlashda muhim ahamiyat kasb etdi.