Bugun, FVV Markaziy apparatida Idoralararo maslahatlashuvi tashkil etildi. Unda,  “Xalqaro zilzila qurbonlarini xotirlash kuni” xalqaro tadbirini munosib darajada o‘tkazish bo‘yicha kelishib olindi.

Ushbu tadbir O‘zbekiston Prezidentining zilzila qurbonlariga hurmat ko‘rsatish va bu borada xalqaro hamkorlik zarurligini eslatish maqsadida xotira va birdamlik kunini ta'sis etish to‘g‘risidagi tashabbusiga asoslangan.

Xalqaro zilzila qurbonlarini xotirlash kuni ilk bor 2026-yil 29- aprel kuni O‘zbekistonda nishonlanadi. Bu sana 1966-yilda Toshkent shahrida sodir bo‘lgan vayronkor zilzilaning 60 yilligi munosabati bilan belgilandi.