Favqulodda vaziyatlar vazirligi Markaziy apparatida tobora yaqinlashib kelayotgan O‘zbek tiliga davlat tili maqomi berilganining 36 yilligi hamda “21-oktyabr" – O‘zbek tili bayrami kuni”ga bag‘ishlangan “Jonajon o‘zbek tilim”  mavzusida ma'naviy - ma'rifiy tadbir  bo‘lib o‘tdi.
 
Tadbirda O‘zbekiston Yozuvchilar uyushmasining a'zolari, taniqli shoirlar Axtamqul Karim, Orif To‘xtash va xushovoz xonanda Abdulahad G‘iyosovlar ishtirok etdi.

Dastlab shoirlar tilimizning qadr-qimmati, taraqqiyot yo‘li haqida so‘z olib, ona tilimiz xalqimiz tarixi va o‘zligini, ruhiy-ma'naviy dunyosini o‘zida aks ettiradigan tengsiz boyligimiz ekanligini ta'kidlab, o‘zlarining ona tilimiz, ona Vatan va ota yurt haqidagi o‘tli sherlaridan o‘qidi.
 
Shundan so‘ng xushovoz xonanda o‘z qo‘shiqlari bilan tadbir ishtirokchilariga yaxshi kayfiyat ulashdi.