"Ajdodlar izidan" intellektual tanlovining Respublika bosqichi yakunlandi
2025-10-09 12:05:00 / Yangiliklar
Mazkur tanlovda jamoalar Muhammad Alining "Ulug‘ saltanat", Pirimqul Qodirovning "Avlodlar davoni" romani, Kaykovusning "Qobusnoma", "Rustamxon" - xalq dostoni, Cho‘lpon va Qodiriyning "Jadidlar" to‘plami, Mirmuhsinning "Temur Malik", O‘tkir Hoshimovning "Ikki eshik orasi", Yoshlar kutubxonasining "Alpomish" dostoni, Odil Yoqubovning "Ko‘hna dunyo" hamda Xorazmiy va Farg‘oniyning "Uyg‘onish" asarlaridan tuzilgan savollar bo‘yicha o‘zlarining bilimlarini sog‘lom raqobatni shakllashtirgan holda o‘zaro bahs olib bordi.
Qizg‘in kechgan bahsning yakuniy natijalariga ko‘ra, Ichki ishlar vazirligi jamoasi birinchi o‘rinni qo‘lga kiritgan bo‘lsa, ikkinchi o‘rin Mudofaa vazirligi jamoasida, uchinchi o‘rin esa FVV jamoalariga nasib etdi.
G‘oliblikni qo‘lga kiritgan hamda tanlovda faol qatnashgan ishtirokchilarga O‘zbekiston yoshlar ittifoqi Markaziy Kengashining diplom, kubok, medal va esdalik sovg‘alari topshirildi.
Bu kabi tadbirlar – yoshlarni ruhlantiruvchi, jamoaviy ishlash, ularning qalbiga g‘urur bag‘ishlovchi, ezgu tarixiy merosimizni yangi avlodga yetkazuvchi muhim vosita bo‘lib xizmat qiladi.