“To‘maris izdoshlari” respublika tanlovi boshlandi
2025-10-06 10:15:00 / Yangiliklar
Kuch tuzilmalari safida xizmat qilayotgan harbiy xotin-qizlar o‘rtasida “Vatan mehri yuragimda” shiori ostida o‘tkazib kelinayotgan “To‘maris izdoshlari” respublika tanloviga start berildi.
Mazkur tanlov harbiy xizmatchi ayollarning o‘z kasbining haqiqiy ustasi sifatida Vatan oldidagi muqaddas burchini sadoqat va fidoyilik bilan ado etishi, shu bilan birga, oilada latofatli beka va mehribon ona sifatidagi ulug‘ mas’uliyatli vazifalarini ham bekamu ko‘st bajarib kelayotganini keng jamoatchilikka ibrat namunasi sifatida namoyon etadi.
Tanlov Yangi O‘zbekiston bog‘idagi “Mustaqillik monumenti” poyiga gulchambar qo‘yish marosimi bilan boshlandi. Marosimda Bosh vazir o’rinbosari - Oila va xotin-qizlar qo’mitasi raisi Zulayho Maxkamova ishtirok etdi.