Bugun, 13-sentyabr kuni Qashqadaryo viloyati FVB boshlig'i vazirlikka biriktirilgan Mirishkor tumanidagi 4-maktab negizida tashkil etilgan  “Jasorat maktabi” o'quvchilari bilan uchrashdi.

Uchrashuv davomida polkovnik F.Mirzayev yoshlar bilan harbiy xizmat va mashaqqatlari, vatanparvarlik, o‘z kasbiy faoliyati, xalq xizmatidagi vazifalari, xalqaro safarlari hamda boshidan kechirgan hayotiy voqealari haqida samimiy suhbat olib bordi. Yoshlar harbiylarning mardligi va fidoiyligini katta qiziqish bilan tinglab, uchrashuvdan ilhom olishdi. 

Shuningdek, jarayonda yoshlarga vatanparvar bo'lish, yurt tinchligi va xalq farovonligi yo'lida mas'uliyatni his etish, bilim olish va kasb tanlashda qat'iyatli bo'lish zarurligi alohida ta'kidlandi.