Ta’lim muassasalarida xavfsizlikni ta’minlash masalalari muhokama qilindi
2025-08-27 14:55:00 / Yangiliklar
Bugun, Maktabgacha ta’lim tashkilotlari direktor va mutaxassislarini qayta tayyorlash hamda ularning malakasini oshirish institutida Favqulodda vaziyatlar vaziri o‘rinbosari, polkovnik X. Sotiyev va Maktabgacha hamda maktab ta’limi vaziri o‘rinbosari F. Boqiyev raisligida yig‘ilish bo‘lib o‘tdi.
Unda hududiy Maktabgacha va maktab ta’limi boshqarmalari hamda tuman (shahar) bo‘limlari rahbar xodimlari ishtirok etdilar.
Jarayonda Maktab va maktabgacha ta’lim vazirligi tasarrufidagi ob’ektlarni yangi o‘quv yiliga tayyorlash va “Bilimlar kuni” tadbirini o‘tkazishda yong‘inlarning oldini olish borasida amalga oshirilishi lozim bo‘lgan chora-tadbirlar masalasi ko‘rib chiqildi.
Tanqidiy ruhda o‘tkazilgan yig‘ilishda olib borilayotgan profilaktik tadbirlar, erishilgan natijalar va yo‘l qo‘yilgan kamchiliklar muhokama qilinib, mas’ullarga kamchiliklarni bartaraf etish bo‘yicha tegishli topshiriqlar berildi.