FVV Akademiyasida o‘tkazilgan Respublika bosqichida hududiy saralash bosqichlarida birinchi va ikkinchi o‘rinni olgan jamoalar, Toshkent shahar, Buxoro, Andijon, Namangan, Farg‘ona, Toshkent, Samarqand va Qashqadaryo viloyatlari FVB va “Navoiy kon-metallurgiya kombinati” AJ va “Navoiyuran” DK obyektlarida yong‘in xavfsizligini ta’minlashni tashkil etish markazi hamda FVV Akademiyasi harbiy xizmatchi ayollaridan iborat jamoalar ishtirok etishdi.

Unda jamoalar 5 ta shart ya’ni, o‘q otish tayyorgarligi, harbiy tayyorgarlik, epchil, tejamkor va orasta beka, bilimdonlik hamda erkin uslubda 50 metr masofaga suzish shartlari bo‘yicha o‘zaro bellashdi. 

Respublika bosqichining yakuniy natijalarga ko‘ra:

1 – o‘rin Toshkent shahar FVB jamoasiga; 
2 – o‘rin FVV Akademiyasi jamoasiga;
3 – o‘rin “Navoiy kon-metallurgiya kombinati” AJ va “Navoiyuran” DK obyektlarida yong‘in xavfsizligini ta’minlashni tashkil etish markazi jamoasiga nasib etdi.

Yakunda g‘olib va sovrindor jamoalar tashkilotchilar tomonidan taqdirlandi.