Samarqandda "Eng yaxshi yosh kitobxon" aniqlandi
2025-08-14 12:20:00 / Yangiliklar
Samarqand viloyati FVB va Respublika Ma'naviyat va ma’rifat markazi viloyat bo‘limi hamkorligida “Eng yaxshi yosh kitobxon” ko‘rik-tanlovining viloyat bosqichi bo‘lib o‘tdi.
Tanlovda viloyat FVB va uning tarkibiy tuzilmalarida xizmat qilayotgan yosh harbiy xizmatchilar hamda xizmatchilar ishtirok etishdi.
Yakuniy natijalarga ko‘ra:
3-o‘rinni— Jomboy tumani FVB xodimi, leytenant S.Tillayev;
2-o‘rinni— Samarqand shahar 6-YoQQ smena boshlig‘i, leytenant S.Po‘latov;
1-o‘rinni— Samarqand shahar FVB 1-YoQQ qutqaruvchisi, oddiy askar O.Xo‘rozov egallab, tanlovning Respublika bosqichiga yo‘llanmani qo‘lga kiritdi.
G‘oliblar boshqarma boshlig‘i tomonidan diplom va esdalik sovg‘alari bilan taqdirlandi.