Markaziy Osiyo davlatlari o‘rtasida favqulodda vaziyatlarning oldini olish sohasidagi hamkorlik mustahkamlanmoqda
2025-08-08 12:05:00 / Yangiliklar
Qozog‘iston Respublikasi Olmaota shahridagi Favqulodda vaziyatlar va tabiiy ofatlar xavfini kamaytirish markazida Markaziy Osiyo davlatlari Favqulodda vaziyatlar idoralari rahbarlarining uchrashuvi bo‘lib o‘tdi.
Unda O‘zbekiston Respublikasi Favqulodda vaziyatlar vazirining birinchi o‘rinbosari – Shtab boshlig‘i polkovnik S.T.Zuparov ishtirok etdi.
Muloqot davomida tomonlar axborot almashish mexanizmlari, qo‘shma o‘quv mashg‘ulotlari o‘tkazish, favqulodda vaziyatlarni oldini olish, yuzaga kelganda oqibatlarini bartaraf etish ishlarini muvofiqlashtirish hamda iqlim va ekologik tahdidlar kuchayayotgan sharoitda hamkorlikni mustahkamlash masalalarini muhokama qilindi.
Alohida e’tibor iqlim o‘zgarishining oqibatlariga moslashish va ofat xavfini kamaytirish bo‘yicha qo‘shma strategiyalar ishlab chiqishga qaratildi.
Markaziy Osiyo davlatlarida favqulodda vaziyatlarni oldini olish va bartaraf etish sohasida mintaqaviy hamkorlikni mustahkamlash xavfsizlik va barqaror taraqqiyotning asosiy omillaridan hisoblanadi.