Fuqaro muhofazasi institutida maktabgacha ta’lim muassasalari tarbiyalanuvchilari ishtirokida amaliy mashg‘ulotlar o‘tkazildi
2025-07-31 09:35:00 / Yangiliklar
Kuni kecha, FVV Fuqaro muhofazasi institutida Toshkent shahri Yashnobod tumanidagi Maktabgacha ta’lim tashkilotlari tarbiyalanuvchilari uchun favqulodda vaziyatlarda to‘g‘ri harakat qilish bo‘yicha amaliy mashg‘ulotlar o‘tkazildi.
Tadbir zamonaviy 3D trenajyor va simulyatorlar yordamida real holatlarga yaqin sharoitda tashkil etildi. Shuningdek, Markaziy Osiyoda yagona bo‘lgan zilzilaga tayyorlov trenajyorida mashg‘ulotlar ham olib borildi.
Mashg‘ulot yakunida tarbiyalanuvchilar va murabbiylar o‘z bilim va ko‘nikmalarini oshirganliklarini ta'kidlashdi hamda yaratilgan shart-sharoitlar uchun vazirlik rahbariyatiga va institut xodimlariga minnatdorlik izhor etdi.