O‘zbеkistоn Rеspublikаsi Favqulodda vaziyatlar vazirligi

O‘zbekiston Respublikasi Favqulodda vaziyatlar vazirligi

Fuqaro muhofazasi instituti 71031902 – “Favqulodda vaziyatlarda aholi xavfsizligi” mutaxassisligi bo‘yicha 2025/2026 o‘quv yili uchun Magistratura bosqichiga qabul e’lon qiladi

Favqulodda vaziyatlar vazirligi Fuqaro muhofazasi instituti magistraturasiga oliy ta’lim muassasalarining “Hayotiy faoliyat xavfsizligi” yo‘nalishi bo‘yicha bakalavriat bosqichini tamomlagan oliy ma’lumotli mutaxassislar hamda Favqulodda vaziyatlarda ularning oldini olish va bunday vaziyatlarda harakat qilish davlat tizimiga kiruvchi vazirliklar, idoralarning aholi va hududlarni favqulodda vaziyatlardan muhofaza qilish sohasida besh yildan kam bo‘lmagan mehnat stajiga ega bo‘lgan, oliy ma’lumotli  xodimlari hujjat topshirishlari mumkin.

Magistraturaga kirishda nomzodlar qabul komissiyasiga quyidagi hujjatlarning elektron variantini fvvfmi@umail.uz elektron manziliga taqdim etadilar:

1. Magistratura mutaxassisligi ko‘rsatilgan holda, Favqulodda vaziyatlar vazirligi Fuqaro muhofazasi instituti boshlig‘i nomiga ariza;

2. Fuqarolik pasporti (yoki AD-karta) nusxasi;

3. Oliy ma’lumot to‘g‘risidagi hujjatning nusxasi (yoki diplomdan ko‘chirma – O‘zbekiston Respublikasi oliy ta’lim muassasalarini davlat granti bo‘yicha o‘qib tugatganlar uchun) hamda unga ilova;

4. 3.5 x 4.5 hajmdagi rangli fotosurat (elektron shaklda);

5. 086-U-shakldagi tibbiy ma’lumotnoma nusxasi;

6. Qonun hujjatlariga muvofiq oliy ta’lim muassasasiga kirishda imtiyoz beruvchi hujjatning nusxasi;

7. Mehnat daftarchasi nusxasi (tegishli sohada faoliyat olib borayotganlar uchun);

8. Idora va tashkilot rahbarlarining yo‘llanmasi (tegishli sohada faoliyat olib borayotganlar uchun).

Fuqaro muhofazasi instituti magistraturasiga hujjatlar joriy yilning 20-avgust kuni soat 18.00 ga qadar qabul qilinadi.

Manzil: Toshkent shahri, Mirzo Ulug‘bek tumani, “Alisherobod” MFY Anaybuloq ko‘chasi 3-uy.

Tel: 71-230-50-72,  (71) 230-50-45

Е-mаil: fvvfmi@umail.uz