Bozorlar xavfsizligi – e'tibor va nazorat markazida
2025-07-22 15:00:00 / Yangiliklar
Qashqadaryo viloyati FVB tomonidan tegishli tashkilot vakillari bilan hamkorlikda Qarshi shaharda joylashgan yirik savdo maskanlarida profilaktik tadbirlar olib borildi.
Tekshiruv davomida savdo obyektlaridagi zaxira chiqish yo‘laklarining ochiqligi, yong‘in xabarlash va birlamchi yong‘in o‘chirish vositalarining mavjudligi va yong‘inga qarshi suv ta’minoti tizimi chuqur o‘rganildi.
Shuningdek, yong‘in-qutqaruv texnikalari hududga bemalol kirib borishini cheklayotgan noqonuniy qo‘shimcha rastalar aniqlanib, ularni olib tashlash yuzasidan bozor ma’muriyatiga tegishli ko‘rsatmalar berildi.
Aniqlangan muammolar bo‘yicha mas’ullarga ularni imkon qadar tez fursatda bartaraf etish bo‘yicha aniq vazifalar yuklatildi.