Bozorlar xavfsizligi – doimiy nazorat ostida
2025-07-21 16:45:00 / Yangiliklar
Samarqand viloyati FVB boshlig‘i rahbarligida "Urgut savdo kompleksi"da yong‘in va boshqa favqulodda vaziyatlarning oldini olish bo‘yicha profilaktik o‘rganish o‘tkazildi.
Tadbir davomida bozor hududida yong‘in yoki boshqa turdagi favqulodda vaziyatlarning oldini olish, yuzaga kelgan holatlarda ularning oqibatlarini bartaraf etish bo‘yicha tushuntirish ishlari olib borildi. Ayniqsa, favqulodda vaziyatlarda maxsus texnikalarning harakatlanishiga to‘sqinlik qiluvchi omillar, ularni bartaraf etish choralari muhokama qilindi.
Shuningdek, amaliy o‘quv mashg‘uloti o‘tkazilib, xodimlar va tadbirkorlarga favqulodda holatlarda to‘g‘ri harakat qilish bo‘yicha ko‘nikmalar berildi.