Favqulodda vaziyatlar vazirligining asosiy tadbirlar rejasiga asosan, Toshkent viloyati FVB yong‘in-qutqaruv bo‘linmalarida shaxsiy tarkibning kasbiy, jangovar, saf hamda jismoniy tayyorgarligi bo‘yicha keng qamrovli amaliy va nazariy mashg‘ulotlar o‘tkazildi. Sinovlar jarayonida shartli ravishda ishlab chiqarish obyektlari va aholdi punktlarida zilzila va boshqa favqulodda vaziyatlar oqibatlarini bartaraf etish, evakuatsiya tadbirlari hamda jabrlanganlarga birinchi yordam ko‘rsatish ishlari amalda bajarilib, ko‘nikmalar oshirildi. Bu esa o‘z navbatida aholi va hududlarni turli xildagi favqulodda vaziyatlardan muhofaza qilishga xizmat qiladi.