Mashg‘ulotning asosiy maqsadi – qutqaruvchilarning yong‘in-qutqaruv texnikalaridan, xususan, avtonarvon avtomobilidan to‘g‘ri va xavfsiz foydalanish bo‘yicha bilim va ko‘nikmalarini oshirish, ularni favqulodda vaziyatlarda harakat qilishga tayyor holda saqlashdir.

Tadbir davomida avtonarvon avtomobilining texnik imkoniyatlari, boshqaruv tizimi, xavfsizlik qoidalari hamda amaliy qo‘llash uslublari batafsil tushuntirildi. Ishtirokchilarga maxsus mashg‘ulotlar orqali murakkab vaziyatlarda qanday harakat qilish zarurligi amaliy tarzda ko‘rsatib berildi.

Mazkur mashg‘ulotlar qutqaruvchilarning kasbiy mahoratini yanada mustahkamlashga, shuningdek, ularni har qanday favqulodda vaziyatga  tayyor holda bo‘lishiga xizmat qiladi.