O‘zbеkistоn Rеspublikаsi Favqulodda vaziyatlar vazirligi

Kuni kecha, FVV akademiyasida Akademiya hamda O‘zbekiston Respublikasi fanlar Akademiyasi “Yadro fizikasi” instituti bilan hamkorlikda “Atom elektr stansiyalarining rivojlanish istiqbollari va uning xavfsizlik masalalari” mavzusida respublika ilmiy-amaliy seminari o‘tkazildi.
Mazkur seminar doirasida FVV Akademiyasi va O‘zbekiston  Fanlar akademiyasi “Yadro fizikasi” instituti o‘rtasida o‘zaro ikki tomonlama hamkorlik memorandumi imzolash tadbiri bo‘lib o‘tdi.

Ushbu memorandumdan ko‘zlangan asosiy maqsad - Xorijiy davlatlarda qurilayotgan va hozirda faoliyat olib borayotgan Atom elektr stansiyalarining texnologiyalari, afzalliklari, energiya samaradorligi va shu bilan birga xavfsizlik masalalarini, xususan sodir bo‘lishi mumkin bo‘lgan favqulodda vaziyatlarni oldini olish va yong‘in xavfsizligini ta’minlashning ilg‘or tajribalarini chuqur o‘rganish, tahlil qilish va tizimli ravishda yong‘in va portlashga qarshi qarshi profilaktik chora-tadbirlarni kuchaytirish va amaliy yechimlarini hamkorlikda amalga oshirish, yosh tadqiqotchilar va kursantlarni ta’lim, fan, innovatsiya va ilmiy-tadqiqotlar sohasida amalga oshirilayotgan islohotlar jarayoniga keng jalb etish va ularning ishtirokini yanada faollashtirish, yosh olimlar va mutaxassislarni amaliyotdagi muammolar va ularning yechimlari bo‘yicha malakali mutaxassislar tajribalari hamda ishlanmalari bilan o‘zaro tanishish hamda ularning imkoniyatlarida keng foydalanish ko‘nikmalarini shakllantirish borasida ilmiy-amaliy anjumanlar, davra suhbatlari va seminarlar tashkil etishni yo‘lga qo‘yishdan iboratdir.