Fuqaro muhofazasi institutida Respublika miqyosidagi ilmiy-amaliy konferensiya bo‘lib o‘tdi
2025-06-26 16:45:00 / Yangiliklar
Bugun 26-iyun kuni, O‘zbekiston Respublikasi FVV Fuqaro muhofazasi institutida “Raqamli transformatsiya sharoitida aholini favqulodda vaziyatlarda harakat qilishga tayyorlash: muammolar va yechimlar” mavzusida Respublika miqyosidagi ilmiy-amaliy konferensiya bo‘lib o‘tdi.
Unda, Favqulodda vaziyatlarda ularning oldini olish va bunday vaziyatlarda harakat qilish Davlat tizimi tarkibiga kiruvchi vazirlik, idora va tashkilotlari xodimlari ishtirok etishdi.
Ushbu konferensiyadan maqsad respublikamizda milliy ta’lim tizimida aholini favqulodda vaziyatlarda harakat qilishga va fuqaro muhofazasi sohasida tayyorlashni yanada takomillashtirishga, o‘qitishning sifatini oshirishda raqamli texnologiyalarning keng imkoniyatlaridan foydalanishga, favqulodda vaziyatlarni oldini olish, ular sodir bo‘lganda to‘g‘ri va oqilona harakat qilish, oqibatlarini bartaraf etish hamda iqtisodiy zararni kamaytirish va aholi xavfsizligini ta’minlashdan iborat.