O‘zbеkistоn Rеspublikаsi Favqulodda vaziyatlar vazirligi

Tadbirni Akademiya boshlig‘i yuridik fanlari doktori, professor, polkovnik  Muzaffar Mamasiddiqov ochib, ustozimiz akademik Akmal Saidov ham nazariy ham amaliy boy tajribaga ega taniqli olim, milliy va xalqaro darajadagi nufuzli ekspert mutaxassis, shu bilan bir qatorda, ko‘plab yetakchi ilmiy jamoalarning a’zosi ekanliklarini, u kishining hayot maktablari va faoliyatlari haqida alohida ta’kidlab, “O‘zbekiston belgisi”, “Mehnat Shuhrati” ordeni, “Do‘stlik” ordeni, “El-yurt hurmati” ordeni davlat mukofotlari bilan taqdirlanganlarini qayd etib, muhtaram Prezidentimiz, Qurolli Kuchlar Oliy Bosh qo‘mondoni Shavkat Mirziyoyevning tashabbuslari bilan ishlab chiqilgan 
“Yangi O‘zbekistonning Taraqqiyot strategiyasi”ni ro‘yobga chiqarish, mamlakatimizda sud-huquq tizimini yanada takomillashtirish bo‘yicha farmon va qarorlar ishlab chiqilib, amaliyotga joriy etilishida, xalqimizning bugungi kundan rozi bo‘lib yashashlarini ta’minlash borasidagi mas’uliyatli vazifalarni bajarishda Yurtboshimizga kamarbasta bo‘lib kelayotganliklarini alohida ta’kidladi.
Shundan so‘ng mamnuniyat bilan, ustozimiz akademik Akmal Saidovga so‘z berildi. Ustoz o‘z nutqlarida yoshlarga murojaat qilib, ilmiy izlanish yo‘lida duch keladigan qiyinchiliklar va ularni yengish yo‘llari haqida batafsil so‘z yuritdi. — Ilm yo‘li – sabr, qat’iyat va tinimsiz izlanishni talab qiladi. Haqiqiy yutuqqa erishish uchun inson o‘z oldiga aniq maqsad qo‘yishi va unga sodiq qolishi lozimligini, hech bir muvaffaqiyat tasodifan kelmasligini, balki ulkan muvaffiqiyatlar kaliti faqatgina mashaqqatli mehnat mahsuli ekanligini alohida ta’kidladilar.
Uchrashuv doirasida ustozimiz akademik Akmal Saidov tomonidan Favqulodda vaziyatlar vazirligi akademiyasining “Axborot-resurs markazi” fondiga eng sara 200 ga yaqin inson huquqlariga oid va badiiy kitoblarni sovg‘a qilindi hamda O‘zbekiston Respublikasi Milliy markazi va FVV Akademiyasi o‘rtasida hamkorlik memorandumi imzolandi.
Uchrashuv yakunida ustozimiz akademik Akmal Saidovga Favqulodda vaziyatlar vaziri hamda Akademiya boshlig‘ining esdalik nishonlari va esdalik sovg‘alari tantanali topshirildi. Shu bilan birga Akademiyaning 
“Faxriy mehmonlar kitobi”ga ustozimiz akademik Akmal Saidov o‘zlarininig ezgu niyatlari, o‘gitlari va dastxatlarini esdalik sifatida yozib qoldirdilar