O‘zbеkistоn Rеspublikаsi Favqulodda vaziyatlar vazirligi

Uchrashuv davomida loyiha ekspertlari loyiha doirasida ishlab chiqilgan quyidagi materiallarni ko‘rib chiqish uchun taqdim etdilar:
• Markaziy Osiyo mamlakatlari Gidrometeorologiya xizmatlari o‘rtasida gidrometeorologik ma'lumotlar almashinuvi mexanizmini takomillashtirish bo‘yicha tavsiyalar;
• mintaqa davlatlarining favqulodda vaziyatlarni bartaraf etish idoralari o‘rtasida transchegaraviy hududlardagi xavfli gidrometeorologik hodisalar to‘g‘risida axborot almashish bo‘yicha takliflar;
• Markaziy Osiyoning tajriba transchegaraviy daryolari havzalarida gidrologik ofatlardan erta ogohlantirish mintaqaviy tizimini yaratish konsepsiyasi.

Muhokama yakunlari bo‘yicha ishtirokchilar quyidagi hujjatlarni ma'qulladilar:
• Transchegaraviy favqulodda vaziyatlar yuzaga kelganda o‘zaro ma'lumot berish bo‘yicha Markaziy Osiyo davlatlarining favqulodda vaziyatlarni bartaraf etish idoralari o‘rtasidagi bayonnomasining dastlabki loyihasi;
• bo‘ron va xavfli hodisalar haqida gidrometeorologiya xizmatlari o‘rtasidagi bayonnomasining dastlabki loyihasi;
• Hududiy erta ogohlantirish tizimini yaratish konsepsiyasining dastlabki loyihasi;
• Ushbu tizimni yaratish bosqichlari bo‘yicha “Yo‘l xaritasi”ning dastlabki loyihasi.

Umuman olganda, uchrashuv ishtirokchilari barqaror va samarali mintaqaviy erta ogohlantirish tizimini yaratishga qaratilgan loyiha doirasida amalga oshirilgan qadamlarning muhimligini ta'kidladilar. Ushbu chora-tadbirlar Markaziy Osiyo mamlakatlari aholisi va hududlari uchun xavfsizlik darajasini oshirishga qaratilgan.