Favqulodda vaziyatlar vazirligi tog‘li hududlarga chiqilganda quyidagi tavsiyalarga amal qilishni tavsiya etadi:

🔹"DIQQAT! QOR KO‘CHISHI XAVFI MAVJUD" belgisi bilan cheklangan joylarga kirmaslikni;
🔹Toqqa sayrga chiqishda boradigan yo’lingiz va manzilingizni yaqinlarigizga xabar berishni doimo yodda saqlang;
🔹Chang‘i yoki snoubord uchuvchisi atrofdagilarni xavfga solmagan holda harakat qilishi kerak;
🔹Chang‘i yoki snoubordda uchish xavfli sport turiga kirganligi sababli uchayotganda tana qismlarini himoyalash uchun maxsus elementlar va shlemdan (kaska) foydalanish kerak;
🔹Chang‘i va snoubordda uchish moslamasi soz holda bo‘lishi kerak;
🔹Chang‘i yoki snoubord uchuvchisi yo‘l belgilariga (yo‘nalishni ko‘rsatuvchi, xavfdan ogohlantiruvchi yoki trassa yopiqligini belgilovchi) rioya qilishi kerak;
🔹Trassaga mast holda chiqish taqiqlanadi;
🔹Pastga tushishning asosiy yo‘nalishida to‘xtash mumkin emas;
🔹Tepaga ko‘tarilish yo‘nalishi bo‘ylab pastga tushish taqiqlanadi;
🔹Yo‘lni tozalovchi maxsus texnika ishlayotgan hududda uchib yurish taqiqlanadi;
🔹Yiqilganda iloji boricha tez trassani bo‘shatish yoki biron belgi berish kerak;
🔹Shikastlanganda, yonida uchayotganlardan birini chaqirib, instruktor yoki qutqaruvchiga xabar berish kerak;
🔹Baxtsiz hodisa yuzaga kelganda, jabrlanuvchiga yordam berish har bir chang‘i yoki snoubord uchuvchisining majburiyatidir;
🔹Uchishni o‘rganayotganlar tog‘ chang‘ilari yoki snoubordda uchish qoidalarini diqqat bilan o‘rganib chiqishlari kerak. Uchishni instruktor (tajribaga ega uchuvchi) bilan boshlash tavsiya etiladi;
🔹Hech qachon tog’li hududlarga bir o’zingiz chiqmang, tajribali yo’l boshchilovchi bilan chiqing;
🔹Agar siz notanish joyda birinchi marotaba bo’lsangiz, avvaldan ko’zlagan rejaga asosan harakatlaning. Agar bir necha kishi bo’lsangiz, doimo birgalikda harakat qiling. Tog’da har qanday hodisa bo’lishi mumkinligi, hattoki adashib qolish ham;
🔹Uyali aloqa vositalarini imkon qadar yoningizda olib yuring;
🔹Tog'da kutilmagan joylarda jarliklar bo’lishi mumkin. Qish faslida qor ko’chkisi holatlari ham uchraydi. Agar siz birinchi marotaba toqqa chiqqan bo’lsangiz, uzoq joylarga sayr qilmang;

Eslatib o‘tamiz, bayram kunlari FVV xodimlari tomonidan mamlakatimizning tog‘li dam olish maskanlarida kechayu kunduz navbatchilik tashkil etilgan.