O‘zbekiston Respublikasi Bosh vazirining 2024-yil 20-dekabrdagi tegishli topshirig‘iga asosan, FVV Markaziy apparatida tegishli vazirlik va idoralar mutaxassislari ishtirokida Respublika hududida joylashgan dovonlarni o‘rganish ishlarini tashkil etish bo‘yicha idoralararo ishchi guruh yig‘ilishi bo‘lib o‘tdi.

Shuningdek, tashkil etilgan ishchi guruh tomonidan “Qamchiq”, “Taxta-qoracha”, “Oqrabot”, “Chimyon” “Langar-maydanak”, “Langar-xatirchi”, “Chak-chak” va “Sayxan” dovonlari hamda Toshkent viloyati Bo‘stonlik va Jizzax viloyati Zomin tumanlarining tog‘ va tog‘oldi hududlaridan o‘tgan muhim ahamiyatga ega transport kommunikatsiyalarida aholini ko‘chki hodisalari bilan bog‘liq favqulodda vaziyatlardan muhofaza qilish hamda transport vositalarini xavf-hatarsiz harakatini ta’minlash borasida amaliy tadbirlar olib borilmoqda.

O‘rganishlar davomida aniqlangan kamchiliklarni bartaraf etish bo‘yicha mutasaddilarga zarur ko‘rsatmalar berilmoqda.