Ushbu xaftalik doirasidagi tadbirlarga FVV va daxldor tashkilotlar mutaxassislaridan iborat jami 25 000 nafar xodimlar jalb etildi.

Xususan:

- 18 741 ta profilaktik tadbirlarda, 335 091 nafar maktabgacha ta’lim tashkilot tarbiyalanuvchilari, 393 389  nafar umumiy ta’lim va 194 415 nafar professional ta’lim tashkilot o‘quvchilari hamda 87 481 nafar oliy ta’lim tashkilot talabalari zilziladan oldin, zilzila vaqtida va zilziladan keyin o‘zini tutish qoidalari, shuningdek, kuchli zilzila bilan bog‘liq favqulodda vaziyatlardan jabrlanganlarga birinchi yordam ko‘rsatish qoidalari va usullariga o‘rgatildi;

- tashkilot, muassasa va tadbirkorlik subyektlarida kuchli zilzila va uning oqibatlaridan muhofazalanishga oid 15 740 ta profilaktik tadbirlarda, 560 571 nafar fuqarolarga favqulodda vaziyatlarda to‘g‘ri harakatlanishga o‘rgatildi;

- respublikaning turli nuqtalarida odamlar ommaviy ravishda to‘planadigan maskanlar, jumladan, savdo majmualari, kinoteatrlar, vokzallar hiyobonlar va boshqa jamoat joylarda 3 784 ta profilaktik tadbirlarda,  333 747 nafar aholiga zilzila vaqtida o‘zini tutish qoidalari tushuntirildi;   

- mehnatga layoqatsiz fuqarolar bilan tashkil etilgan 5 917 ta profilaktik tadbirlarda, 9 021 nafar jismoniy imkoniyati cheklangan hamda 17 757 nafar ijtimoiy himoyaga muhtoj shaxslar qamrab olindi.

Aholini zilzila sharoitida harakatlanishga tayyorlashga mo‘ljallangan milliy elektron platformasi orqali mahalliy ijro etuvchi hokimiyat organlari hamda boshqa tashkilot va idoralarning rahbarlari va xodimlari, shuningdek, fuqarolar bilan ixtiyoriy ravishda malaka oshirish va qayta tayyorlash masofaviy kurslarini tashkil etildi.

- Jumladan, ishlab chiqarish va xizmat ko‘rsatish sohasida band bo‘lgan 13 814 nafar mahalliy ijro etuvchi hokimiyat organlari va 34 671 nafar boshqa tashkilotlarning rahbarlari, mas’ul mutaxassislari zilzilada harakatlanishga tayyorlashga mo‘ljallangan platforma orqali malaka oshirish va qayta tayyorlash o‘quv kurslarida tayyorgarlikdan o‘tkazildi;

O‘quv kursini muvaffaqiyatli yakunlagan tinglovchilarga elektron shakldagi guvohnoma taqdim etildi.

- respublikaning barcha hududlaridagi mahallalarda aholi ishtirokida zilzila bilan bog‘liq favqulodda vaziyatlarda aholi xavfsizligini ta’minlash bo‘yicha 3 ta qo‘mondonlik-shtab, 925 ta maxsus-taktik va 3 371 ta  obyekt o‘quv mashqlarida, 242 015 nafar mahalliy aholi jalb etilishiga erishildi;

- 8 967 ta mahallalarda tashkil etilgan profilaktik tadbirlarda, 357 841 nafar aholini zilziladan oldin, zilzila vaqtida va zilziladan keyin o‘zini tutish qoidalari, kuchli zilzilalarga oldindan tayyorgarlik ko‘rish hamda ulardan talafotlarsiz chiqish bo‘yicha bilim va ko‘nikmalari oshirildi.

Ushbu haftalik tadbirlari davomida aholini zilzila sharoitida harakatlanishga tayyorlash sohasida 2 8 22 500 dona o‘quv-uslubiy va targ‘ibot materiallari tarqatildi.

- haftalik doirasida ko‘zlangan maqsadga erishish, tadbirning mazmun-mohiyatini ommaviy axborot vositalarida keng yoritish maqsadida, respublika va mahalliy televideniyalarda 364 marotaba chiqishlar, 17 046 ta radio eshittirishlar efirga uzatilib, 445 ta maqolalar ro‘znomalarda chop etildi.

Bundan tashqari, jamoat joylardagi elektron tablolarda 25 217 ta videoroliklar va e’lonlar xamda 11 876 ta sohaga oid ma’lumotlar internet orqali elektron ommaviy axborot vositalariga joylashtirildi.

Shuni alohida ta’kidlash joizki,  “Aholini zilzilaga tayyorlash haftaligi”ni tizimli va yuqori saviyada tashkil etilganligi munosabati bilan, respublikaning barcha hududlarida 57 462 ta profilaktika tadbirlari tashkil etilib, jami 3 110 300 nafar aholini zilzilada harakatlanishga oid bilim va ko‘nikmalari oshirildi.