Sizlarning ona-Vatan hamda xalq manfaatlarini ta’minlash, jonajon O‘zbekistonimizda tinch, xotirjam, qonun ustuvor bo‘lgan adolatli jamiyat barpo etishdek yorqin maqsadlar yo‘lida olib borayotgan matonatli va sharafli xizmatlaringiz ulkan e’tirofga munosibdir.

Buni, ayniqsa, so‘nggi yillarda muhtaram Prezidentimiz tashabbusi bilan yangi O‘zbekistonda barcha sohalar qatori Ichki ishlar tizimida olib borilayotgan oqilona islohot va yangilanishlar jarayonida ham yaqqol kuzatib bormoqdamiz.

Mamlakatimizda jinoyatchilik va huquqbuzarlikka qarshi kurashish, huquq-tartibotni mustahkamlash, aholini turli xil tahdidlardan, jinoiy va boshqa g‘ayriqonuniy harakatlardan himoya qilish hamda jamoat tartibini saqlashda bugun
Ichki ishlar organlarining barcha xodimlari o‘z zimmalaridagi ulkan mas’uliyatni sadoqat bilan ado etib, fidoiy xizmatlari davomida xalqimizning yuksak ishonch va hurmat-e’tiborini qozonib kelmoqdalar.

Shuni alohida qayd etish kerakki, Ichki ishlar xodimlari bugungi kunda aholini va hududlarni favqulodda vaziyatlardan muhofaza qilishda ham bizning soha vakillariga yaqindan hamkor va ko‘makdosh bo‘lib kelmoqdalar.

Ushbu quvonchli kunda, Sizlarni yana bir bor kasb bayramingiz bilan qutlab, el-yurt tinchligini ta’minlashdek muqaddas vazifa yo‘lida barchangizga mustahkam salomatlik, oilaviy xotirjamlik, omad va zafarlar yor bo‘lishini tilab qolamiz.

Hamisha xalqimiz ardog‘ida bo‘lib yuring!

Hurmat bilan,

Favqulodda vaziyatlar vazirligi

shaxsiy tarkibi nomidan

Vazir general-mayor 

A.Qo‘ldoshev