"Ajdodlar izidan" intellektual tanlovining Respublika bosqichi yakunlandi. Yakuniy natijalarga ko‘ra FVV jamoasi II o‘rinni qo‘lga kiritdi
2026-10-23 19:30:00 / Yangiliklar
Intellektual tanlov Mudofaa, Ichki ishlar, Favqulodda vaziyatlar vazirliklari, Milliy gvardiya, DXX Chegara qo‘shinlari hamda Bojxona qo‘mitasi jamoalari o‘rtasida bo‘lib o‘tdi. Jamoalar ikki bo‘limdan iborat, jami 30 ta savol asosida bilim, tezkor fikrlash va jamoaviy hamkorlik mahoratini namoyon etdi.
Qizg‘in kechgan bahsning yakuniy natijalariga ko‘ra, Mudofaa vazirligi jamoasi birinchi o‘rinni qo‘lga kiritgan bo‘lsa, ikkinchi o‘rin Favqulodda vaziyatlar vazirligi jamoasiga, uchinchi o‘rin esa Ichki ishlar vazirligi jamoalariga nasib etdi.
G‘olib va sovrindorlar, shuningdek, faol ishtirokchilar O‘zbekiston yoshlar ittifoqi Markaziy Kengashi tomonidan diplom, kubok, medal va esdalik sovg‘alari bilan taqdirlandilar.
Bu kabi tadbirlar – yoshlarni ruhlantiruvchi, jamoaviy ishlash, ularning qalbiga g‘urur bag‘ishlovchi, ezgu tarixiy merosimizni yangi avlodga yetkazuvchi muhim vosita bo‘lib xizmat qiladi.