Favqulodda vaziyatlar vaziri Azizbek Ikramov Markaziy Osiyo mamlakatlari favqulodda vaziyatlar idoralari rahbarlarining yig‘ilishi - mintaqaviy forumda nutq so‘zladi
2026-10-20 15:05:00 / Yangiliklar
Joriy yilning 19-20 oktyabr kunlari Toshkentda Markaziy Osiyo mamlakatlari favqulodda vaziyatlar idoralari rahbarlarining yig‘ilishi - Mintaqaviy forum doirasida bir qator tadbirlar, xususan, mintaqa ekspertlari ishtirokidagi panel sessiyalar, delegatsiyalar rahbarlarining ikki tomonlama uchrashuvlari va boshqa tadbirlar bo‘lib o‘tadi. Bugun, forumning so‘nggi kunida Markaziy Osiyo davlatlari favqulodda vaziyatlar idoralari rahbarlari, shuningdek, yirik nufuzli xalqaro tashkilotlar - BMT, BMTTD, GIZ vakillarining ma’ruzalari tinglandi. Forumda O‘zbekiston Respublikasi Favqulodda vaziyatlar vaziri Azizbek Ikramov ham so‘zga chiqdi.
O‘zbekiston Respublikasi Favqulodda vaziyatlar vaziri A.Ikramov mintaqa mamlakatlarining transchegaraviy xususiyatga ega favqulodda vaziyatlarning oldini olish va bartaraf etish sohasidagi hamkorlikni mustahkamlash, ushbu jarayonga sun’iy intellektni joriy etish, erta ogohlantirish tizimini rivojlantirish borasidagi sa’y-harakatlarini birlashtirishga alohida e’tibor qaratdi, shuningdek, mintaqaviy hamkorlikning boshqa muhim jihatlariga to‘xtaldi. Eslatib o‘tamiz, Ozarbayjon Respublikasi Favqulodda vaziyatlar vazirligi delegatsiyasi mintaqaviy forumda ilk bor kuzatuvchi sifatida ishtirok etmoqda. Tadbir yakunida aholi va hududlarni tabiiy va texnogen xususiyatli favqulodda vaziyatlardan muhofaza qilish sohasida, ayniqsa, chegaraoldi hududlarda yirik mintaqaviy loyihalarni amalga oshirish uchun muhim asos bo‘ladigan qator muhim hujjatlar imzolanishi kutilmoqda.