Nukus shahrida bozorlar va savdo obyektlarida xavfsizlik masalalari o‘rganilib, hamkorlikda maxsus-taktik o‘quv mashqlari o‘tkazildi
2026-10-13 10:50:00 / Yangiliklar
Favqulodda vaziyatlar vaziri o‘rinbosari podpolkovnik R. Jumayev rahbarligida Qoraqalpog'iston Respublikasidagi "Nukus dexqon bozori" AJ hamda unga tutash savdo obyektlarida tungi vaqtda maxsus-taktik o‘quv mashqi o‘tkazildi. Mashq davomida favqulodda vaziyatlar yuzaga kelganda mas’ul xodimlarning tezkor harakat qilishga tayyorgarligi va amaliy ko‘nikmalarini mustahkamlashga e’tibor qaratildi.
Shuningdek, mas’ullar ishtirokida hududdagi bozorlar, savdo-ko‘ngilochar maskanlari hamda savdo majmualarida favqulodda vaziyatlarning oldini olish, yong‘in xavfsizligini ta’minlash va mavjud xavflarni bartaraf etish masalalari o‘rganilib, aniqlangan kamchiliklarni bartaraf etish bo‘yicha aniq topshiriqlar berildi.