Favqulodda vaziyatlar vaziri general-mayor Azizbek Ikramov Buxoro viloyatida bo‘lib, Buxoro shahrida faoliyat yuritayotgan bozorlarning yong‘in xavfsizligi holatini o‘rgandi
2026-10-07 20:40:00 / Yangiliklar
O‘rganishlar davomida bozorlardagi kirish-chiqish yo‘laklarining holati, favqulodda vaziyatlarda fuqarolarni xavfsiz evakuatsiya qilish imkoniyatlari, savdo rastalarining joylashtirilishi, yo‘laklarning ochiq va harakatlanish uchun qulayligi hamda yong‘inga qarshi xavfsizlik talablariga rioya etilishi ko‘zdan kechirildi.
Shuningdek, bozorlarda yong‘in xavfsizligini ta’minlash tizimi, birlamchi yong‘in o‘chirish vositalarining mavjudligi va sozligi, yong‘in-qutqaruv texnikalarining hududga kirib borish imkoniyati hamda favqulodda vaziyatlarda foydalaniladigan suv manbalarining holati o‘rganildi.
Mas’ullarga aniqlangan kamchiliklarni bartaraf etish, savdo rastalarini tartibli joylashtirish, evakuatsiya yo‘laklari va kirish-chiqish qismlarining doimo ochiq bo‘lishini ta’minlash, shuningdek, yong‘in xavfsizligi talablariga qat’iy rioya etish yuzasidan tegishli ko‘rsatma va topshiriqlar berildi.