Buxoro viloyatida FVDT xizmatlarining 2026–2027-yillar kuz-qish mavsumiga tayyorgarlik darajasini baholashga qaratilgan o‘quv mashqlari o‘tkazildi
2026-10-07 15:25:00 / Yangiliklar
Tadbirda Buxoro viloyati hokimi B.Zaripov so‘zga chiqib, kuz-qish mavsumini betalofat o‘tkazish barcha mas’ul xizmatlar zimmasiga katta mas’uliyat yuklashini ta’kidladi. Aholi xavfsizligini ta’minlashda har bir tashkilotning o‘zaro hamkorligi, doimiy shayligi va yuzaga kelishi mumkin bo‘lgan vaziyatlarga nisbatan hushyorlik bilan yondashishi muhim ekani qayd etildi.
O‘quv mashqlari davomida favqulodda vaziyatlarga birgalikda va muvofiqlashtirilgan holda harakat qilish, mavjud kuch va vositalardan samarali foydalanish, aholini muhofaza qilish hamda yuzaga kelishi mumkin bo‘lgan talafotlarning oldini olish bo‘yicha amaliy ko‘nikmalar yanada mustahkamlandi.