Sirdaryo viloyati FVB Hayot faoliyati xavfsizligi o‘qitish markazining yangi, zamonaviy binosi foydalanishga topshirildi
2026-10-01 17:25:00 / Yangiliklar
Sirdaryo viloyati FVB Hayot faoliyati xavfsizligi o‘qitish markazining yangi, zamonaviy binosi foydalanishga topshirildi. Tantanali ochilish marosimida Favqulodda vaziyatlar vazirining o‘rinbosari polkovnik X.Sotiyev, tizim faxriylari, yoshlar hamda keng jamoatchilik vakillari ishtirok etdi
Yangi binoda ta’lim oluvchilar uchun zamonaviy va qulay shart-sharoitlar yaratilgan bo‘lib, markaz VR ko‘zoynaklar, turli favqulodda vaziyatlarni amalda modellashtirish imkonini beruvchi simulyatsiya xonalari, tibbiyot xonasi hamda maxsus labirint xonalari bilan jihozlangan.
Ushbu xonalarda nazariy bilimlarni amaliy mashg‘ulotlar bilan uyg‘unlashtirgan holda, turli xavf-xatarlar yuzaga kelganda to‘g‘ri va tezkor harakat qilish, birinchi yordam ko‘rsatish, yong‘in va boshqa favqulodda vaziyatlarda xavfsizlik choralariga rioya qilish bo‘yicha amaliy ko‘nikmalar shakllantiriladi.
Shuningdek, “Raqamli profilaktika” dasturi doirasida viloyat FVB hamda TKTI Yangiyer filiali professor-o‘qituvchilari bilan hamkorlikda yaratilgan elektron platformaning taqdimoti o‘tkazildi.