“Favqulodda vaziyatlar vaziri kubogi”ning shahar va tuman bosqichlari bo‘lib o‘tmoqda
2024-09-25 11:20:00 / Yangiliklar
Qoraqalpog‘iston Respublikasining Amudaryo tumani va Toshkent viloyatining Piskent, Bekobod tumanlari hamda Bekobod va Angren shaharlarida FVB tomonidan otaliqqa olingan yoshlar bilan "Yurtning kuchi - birlikda, qadri esa tinchlikdadir!" shiori ostida “Favqulodda vaziyatlar vaziri kubogi” sport musobaqalari va ko‘rik-tanlovlarning shahar va tuman bosqichlari o‘tkazildi.
Bunday tadbirlarni o‘tkazishdan maqsad, yoshlarni vatanparvarlik ruhida tarbiyalash, ularning intellektual salohiyatini yuzaga chiqarish, yoshlar orasida sog‘lom turmush tarzini keng targ‘ib qilish, shuningdek, ularni qutqaruvchilik kasbiga qiziqtirish va bo‘sh vaqtini mazmunli tashkil etishdan iboratdir.
Yakunda g‘olib va sovrindorlar tashkilotchilar tomonidan diplom va esdalik sovg‘alari bilan taqdirlanib, g‘olib jamoalar Qoraqalpog‘iston Respublikasi va Toshkent viloyati bosqichiga yo‘llanmani qo‘lga kiritdilar.