Mahallalarda xavf darajasini aniqlash bo‘yicha ishlar izchil davom ettirilmoqda
2026-09-30 09:30:00 / Yangiliklar
Ushbu vazifa ijrosini ta’minlash, hududlarda mavjud xavflarni barvaqt aniqlash va ularning oldini olish samaradorligini oshirish maqsadida tizimli ishlar amalga oshirilmoqda.
Jumladan, O‘zbekiston Respublikasi Prezidentining “Favqulodda vaziyatlar organlari faoliyatini yanada takomillashtirishga doir tashkiliy chora-tadbirlar to‘g‘risida” 2025-yil 20-oktyabrdagi PQ-310-son qarori 7-ilovasi bilan tasdiqlangan monitoring qilish rejasining 1.1-bandi ijrosini ta’minlash doirasida bugungi kunga qadar respublikadagi jami 8 992 ta mahallaning 2 648 tasi, ya’ni 29,4 foizi xavf indikatorlari asosida “qizil”, “sariq” va “yashil” toifalarga ajratildi.
Shundan 594 ta mahalla “qizil”, 1 766 tasi “sariq” hamda 288 tasi “yashil” toifaga kiritildi.
Ayniqsa, hududlarda xavf indikatorlarini muntazam tahlil qilib borishga alohida e’tibor qaratilmoqda. Shu maqsadda 2026-yil yakuniga qadar Samarqand viloyatidagi 1 063 ta mahallani tegishli toifalarga ajratish belgilanib, viloyatning tuman va shaharlari kesimida xavf indikatorlarining har oylik statistikasini shakllantirish va tahlil qilish yo‘lga qo‘yildi.
Xavf indikatorlarining oylik ko‘rsatkichlari asosida mahallalardagi vaziyat muntazam baholanib, yil yakuniga qadar Samarqand viloyatidagi 1 063 ta mahallani “qizil”, “sariq” va “yashil” toifalarga ajratish hamda respublika bo‘yicha umumiy ko‘rsatkichni 40 foizga yetkazish rejalashtirilgan.
Amalga oshirilayotgan mazkur chora-tadbirlar natijasida O‘zbekiston Respublikasi Prezidentining "Mamlakat taraqqiyotining 2030-yilgacha mo‘ljallangan ustuvor yo‘nalishlari doirasida islohotlarni izchil davom ettirish va yangi bosqichga olib chiqishning qo‘shimcha chora-tadbirlari to‘g‘risida" 2026-yil 16-fevraldagi PF-21-son Farmonining 1-ilovasi 431-bandida belgilangan vazifalar ijrosi ta’minlanib, 2026-yil uchun belgilangan 40 foizlik ko‘rsatkichning ayni paytda 29,4 foizi bajarildi.
Bu esa mahallalarda xavflarni oldindan aniqlash, ularni toifalash va aholi xavfsizligini ta’minlashga qaratilgan profilaktik chora-tadbirlarni manzilli tashkil etishda muhim ahamiyat kasb etmoqda.