Favqulodda vaziyatlar vaziri general-mayor A.X.Qo‘ldoshev rahbarligida Surxondaryo viloyatida kuz-qish mavsumiga tayyorgarlik yuzasidan muhokama bo‘lib o‘tdi
2024-09-24 18:05:00 / Yangiliklar
Bugun, 24-sentabr kuni Surxondaryo viloyati hududida kuz-qish mavsumini betalofat o‘tkazish, mavsum davomida issiqlik va energetika tarmoqlarini barqaror ishlashi, odamlar ko‘p yig‘iladigan savdo markazlari va ijtimoiy-iqtisodiy soha obyektlarida sodir bo‘lishi mumkin bo‘lgan favqulodda vaziyatlarning oldini olish va yong‘in xavfsizligini ta’minlash tadbirlarini samarali tashkil etish bo‘yicha soha mas’ullari ishtirokida muhokama o‘tkazildi.
Shuningdek, jarayonda “Favqulodda vaziyatlarning oldini olish va bunday vaziyatlarda harakat qilish davlat tizimining Surxondaryo viloyati hududiy va funksional quyi tizimlari boshqaruv organlari hamda kuch va vositalarining aholini va hududlarni favqulodda vaziyatlardan muhofaza qilish bo‘yicha hamkorlikdagi harakatlari” mavzusida o‘tkazilishi rejalashtirilgan Qo‘mondonlik-shtab o‘quv mashqlari dasturlari ham ko‘rib chiqildi.
Muhokama yakunida bajarilishi lozim bo‘lgan tadbirlar yuzasidan masʼullarga zarur ko‘rsatmalar berildi.