Buxoro viloyatida FVV faxriylari ishtirokida qator madaniy-ma’rifiy tadbirlar bo‘lib o‘tdi
2026-09-26 14:20:00 / Yangiliklar
Favqulodda vaziyatlar vazirining o‘rinbosari boshchiligida Buxoro viloyatida mamlakatimizning barcha hududlaridan tashrif buyurgan Favqulodda vaziyatlar vazirligi tizimi faxriylari ishtirokida madaniy-ma’rifiy tadbirlar o‘tkazildi.
Tadbirlarda "Uch avlod uchrashuvi" hamda tarixiy va madaniy obidalarga sayohatlar tashkil etildi. Uyushtirilgan tashriflar ishtirokchilarda unutilmas taassurotlar qoldirdi.
Shuningdek, faxriylar va yoshlarni bir davra atrofida jamlagan samimiy suhbatlar, ochiq dasturxon atrofidagi dildan muloqotlar avlodlar o‘rtasidagi mehr-oqibat, o‘zaro hurmat va ustoz-shogird an’analarini yanada mustahkamlashga xizmat qildi.
Zero, bunday uchrashuvlar nafaqat boy tariximiz va milliy qadriyatlarimizni chuqur anglash, balki ko‘p yillik xizmat tajribasiga ega faxriylar hayot yo‘lidan ibrat olish, yosh avlod qalbida Vatanga sadoqat va kasbga muhabbat tuyg‘ularini yuksaltirishda ham muhim ahamiyat kasb etadi.