Qoraqalpog‘iston Respublikasida maxsus-taktik o‘quv mashg‘ulotlari o‘tkazilmoqda
2026-09-23 16:00:00 / Yangiliklar
Qoraqalpog‘iston Respublikasida kuz-qish mavsumida energetika sohasi obyektlarida favqulodda vaziyatlarning oldini olish va ularning oqibatlarini bartaraf etishga tayyorgarlik darajasini oshirishga qaratilgan maxsus-taktik o‘quv mashg‘ulotlari Favqulodda vaziyatlar vazirining o‘rinbosari polkovnik N.B.Kadirov hamda Qoraqalpog‘iston Respublikasi Vazirlar Kengashining Raisi F.U.Ermanov boshchiligida o‘tkazilmoqda.
Tadbirlar davomida kuz-qish mavsumini betalafot o‘tkazish shuningdek, aholi va hududlarni favqulodda vaziyatlardan muhofaza qilish, fuqaro muhofazasi hamda yong‘in xavfsizligi sohasidagi amaliy tayyorgarlik holati o‘rganilib, mas’ul xodimlarga uslubiy yordam ko‘rsatilmoqda. Shuningdek, favqulodda vaziyatlar yuzaga kelganda tezkor va samarali harakat qilish ko‘nikmalarini oshirish maqsadida maxsus-taktik o‘quv mashg‘ulotlari o‘tkazilmoqda.