Samarqandda Imom Buxoriy majmuasi hududidagi mehmonxonada maxsus-taktik o‘quv mashqi o‘tkazildi
2026-09-15 16:55:00 / Yangiliklar
FVV mas’ul xodimlari hamda Samarqand viloyati FVB tomonidan yong‘in va boshqa favqulodda vaziyatlarning oldini olish, ularning oqibatlarini bartaraf etish, shuningdek, qutqaruv bo‘linmalarining tezkor harakatlanish ko‘nikmalarini oshirish maqsadida maxsus-taktik o‘quv mashqi o‘tkazildi.
O‘quv mashqi Imom Buxoriy majmuasi hududida joylashgan mehmonxonalardan birida tashkil etildi.
Mashq g‘oyasiga ko‘ra, mehmonxona binosida shartli yong‘in sodir bo‘ldi. Voqea joyiga FVBning yong‘in-qutqaruv bo‘linmalari jalb etilib, qisqa vaqt ichida yong‘in o‘chog‘ini aniqlash va bartaraf etish, binoda qolib ketgan fuqarolarni xavfsiz hududga evakuatsiya qilish hamda jabrlanganlarga birinchi yordam ko‘rsatish bo‘yicha amaliy harakatlar bajarildi.