O‘zbekiston Respublikasi Prezidentining 2019-yil 28-iyundagi “O‘smirlarni harbiy-vatanparvarlik ruhida tarbiyalash hamda O‘zbekiston Respublikasi Qurolli Kuchlari va davlat xizmati uchun kadrlar zaxirasini tayyorlash tizimini takomillashtirishga oid qo‘shimcha chora-tadbirlar to‘g‘risida”gi PQ-4375-sonli qaroriga muvofiq tashkil etilgan Shahrisabz “Temurbeklar maktabi” harbiy-akademik litseyining bo‘sh lavozimlariga yuqori bilim darajali, intellektual salohiyat va professional mahoratga hamda kamida 5 yil uzluksiz pedagogik ish stajiga ega bo‘lgan o‘qituvchilarni ishga qabul qilish bo‘yicha tanlov e’lon qiladi:

O‘qituvchi (fizika fanidan);

O‘qituvchi (ona tili va adabiyot fanidan);

O‘qituvchi (matematika fanidan);

O‘qituvchi (tarbiya fanidan).

Tanlov 2 bosqichida – test va suhbat shaklida o‘tkaziladi.

Birinchi bosqich O‘zbekiston Respublikasi Oliy ta’lim fan va innovatsiyalar vazirligi tomonidan test sinovlari tarzida o‘tkaziladi.

Test sinovlari Shahrisabz Davlat pedagogika institutida
2024-yilning 20-25-sentyabr kuni soat 10.00 da boshlanadi. Test sinovlari o‘tkazilayotgan auditoriyaga mikrokalkulyator, jadval, kitob, uyali telefon, kompyuter, telekommunikatsiya vositalari va shpargalkalarning olib kirilishi taqiqlanadi. Aniq  test o‘tkazilishi kuni qo‘shimcha ravishda ma’lum qilinadi. Test sinovi natijalariga ko‘ra, 65 balldan yuqori ball to‘plagan nomzodlar test sinovlaridan muvaffaqiyatli o‘tgan hisoblanadi va ular tanlovning 2-bosqich, suhbatga kiritiladi.

Tanlovning ikkinchi bosqichi 2024-yilning 27-, 28-, 30-sentabr kunlari Qashqadaryo viloyati, Shahrisabz shahri, Shahrisabz “Temurbeklar maktabi” harbiy-akademik litseyida o‘tkaziladi.

Suhbatdan muvaffaqiyatli o‘tgan (o‘rtacha arifmetik bali “71” va undan yuqori bo‘lgan) nomzodlar komissiya qaroriga asosan tanlovdan o‘tgan hisoblanadi va “Temurbeklar maktabi” harbiy-akademik litseyining o‘qituvchisi lavozimiga tavsiya etiladi.

Tanlovda qatnashish uchun nomzodlar tomonidan taqdim etiladigan hujjatlar ro‘yxati

- Tanlovda qatnashish uchun “Temurbeklar maktabi” direktori nomiga ariza;

- Passport nusxasi (hujjatlari topshirish vaqtida posportning asl nusxasi ko‘rsatiladi);

- Oliy ma’lumot to‘g‘risida diplom yoki vakolatli davlat organining xorijiy ta’lim muassasida olingan oliy ma’lumot to‘g‘risidagi hujjatga muvofiqlik olinganligi to‘g‘risidagi guvohnoma;

- O‘tkazilgan attestatsiya natijalari bo‘yicha berilgan sertifikat nusxasi;

- Mehnat daftarchasining nusxasi;

- 3.5 x 4.5 sm o‘lchamdagi 4 dona rangli fotosurat;

Tanlovda qatnashish uchun nomzodlar tomonidan taqdim etiladigan hujjatlar 2024-yilning 20-sentabr kuni soat 14:00ga qadar davom etadi (eslatma: belgilangan vaqtdan kech qolgan nomzodlarning hujjatlari qabul qilinmaydi)

Eslatib o‘tamiz, tanlovga kelmagan nomzodlar uchun qo‘shimcha tanlov o‘tkazilmaydi.

Murojaat uchun: “Temurbeklar maktabi” harbiy-akademik litseyi,

U.Nazarov, tel. 93 382-99-77, 75 521-26-83,

Navbatchilik qismi: 75 521-26-75