Andijon viloyatida ikkita qutqaruv qismi zamonaviy qiyofada foydalanishga topshirildi
2026-08-29 18:20:00 / Yangiliklar
Mustaqilligimizning 35 yilligi arafasida Andijon viloyatining Xonobod shahridagi FVB hamda Asaka tumani FVBning 19-Qutqaruv qismi binolari zamonaviy qiyofada qayta ta’mirlanib, foydalanishga topshirildi.
Obyektlarda xodimlar uchun qulay mehnat va yashash sharoitlari yaratilib, sport zali, oshxona, yotoqxona va ma’naviyat xonasi kabi zarur infratuzilmalar barpo etildi.
Shuningdek, Asaka tumanidagi 19-Qutqaruv qismiga zamonaviy maxsus yong‘in o‘chirish avtomobili tantanali ravishda topshirildi.
Yangilangan qutqaruv qismlari hududda yong‘in va boshqa favqulodda vaziyatlarning oldini olish, ularning oqibatlarini tezkor bartaraf etish hamda aholiga o‘z vaqtida yordam ko‘rsatish imkoniyatlarini yanada kengaytiradi.