Samarqandda oʻtkazilgan “Jasorat va matonat” musobaqasi gʻoliblari aniqlandi
2026-08-24 09:30:00 / Yangiliklar
Samarqand shahrida mahalla yoshlari oʻrtasida "Yagona Vatan, yagona xalq boʻlib, yangi hayot va kelajak yaratamiz!" shiori ostida “Favqulodda vaziyatlar vaziri kubogi” uchun tashkil etilgan “Jasorat va matonat” sport musobaqasining respublika bosqichi oʻtkazildi.
Musobaqada respublikamizning turli hududlaridan tashrif buyurgan mahalla yoshlaridan iborat 14 ta jamoa ishtirok etib, sport va intellektual shartlarda oʻzlarining jismoniy tayyorgarligi, chaqqonligi, bilim va salohiyatlarini namoyish etdilar.
Bellashuvlar yakuniga koʻra 1-oʻrinni – Buxoro viloyati jamoasi egallagan boʻlsa, 2-oʻrinni – Andijon viloyati jamoasi va 3-oʻrinni – Toshkent shahri jamoasi qoʻlga kiritdi.
Musobaqaning yakuniy tadbirida soʻzga chiqqanlar yoshlarni munosib ishtiroki va erishgan natijalari bilan tabrikladi.
Yakunda gʻolib va sovrindorlar “Favqulodda vaziyatlar vaziri kubogi”, diplom, medal hamda esdalik sovgʻalari bilan taqdirlandi.