Favqulodda vaziyatlar vaziri general-mayor Azizbek Ikramov Toshkent shahar yoshlari bilan uchrashdi
2026-08-06 18:10:00 / Yangiliklar
Mustaqilligimizning 35 yilligi munosabati bilan Yoshlar ijod saroyida bo‘lib o‘tgan uchrashuvda Yoshlar ishlari agentligi direktori Alisher Sa’dullayev, tizimdagi yosh harbiy xizmatchilar va xizmatchilar, otaliqqa olingan yoshlar va faxriylar ishtirok etdi.
Muloqot davomida Vazir xizmat faoliyati, tizimdagi yangiliklar hamda yoshlarga yaratib berilayotgan keng imkoniyatlar xususida fikr yuritdi. Shuningdek, yoshlarga muvaffaqiyatga erishishning sinovdan o‘tgan usullari – qat’iy intizom, bilim olish va doimiy harakat orqali istalgan natijaga erishish mumkinligi ta’kidlandi.
Tadbir davomida Alisher Sa’dullayev ham yoshlarga hayotiy maslahatlar berib, har bir yosh marrani katta qo‘yishi, bilimli insonlar davrasiga shoshilishi hamda muntazam kitob o‘qishi lozimligi, aynan mana shu jihatlar kuchli insonlarga xos ekanligini aytib o‘tdi.
Uchrashuv davomida yoshlarning sohaga doir xorij tajribasi, volontyorlik faoliyati, sun’iy intellekt va raqamlashtirish haqida savollariga atroflicha javob berildi, taklif va tashabbuslar qo‘llab-quvvatlandi.
Shu bilan birga, xizmat davomida yuqori natijalarga erishgan yosh harbiy xizmatchilar va qutqaruvchilar, ularning ota-onalari, faol mahalla yoshlari hamda volontyorlar vazirning esdalik sovg‘alari bilan taqdirlandi.