Özbеkistоn Rеspublikаsi Favqulodda vaziyatlar vazirligi

Favqulodda vaziyatlar vazirligi Markaziy apparatida favqulodda vaziyatlarning oldini olish va bunday vaziyatlarda harakat qilish davlat tizimining 2026-yil birinchi yarim yilligi yakunlariga bag‘ishlangan muhokama yig‘ilishi bo‘lib o‘tdi. Unda, vazirlik va idoralarning rahbarlari ishtirok etdi.

Tadbir avvalida Favqulodda vaziyatlar vazirligi avtoturargohida tashkil etilgan “Zamonaviy yong‘in-qutqaruv avtotexnikalarining saf ko‘rigi” shuningdek, favqulodda vaziyatlarni barvaqt aniqlashga mo‘ljallangan xavfdan ogohlantiruvchi hamda video kuzatuv vositalari taqdimoti o‘tkazildi. 

Asosiy muhokamalar Favqulodda vaziyatlar vazirligi markaziy apparatining katta majlislar zalida bo‘lib o‘tdi. Yig‘ilishni O‘zbekiston Respublikasi Bosh vazirining o‘rinbosari A. Ramatov kirish so‘zi bilan ochib berib, mamlakatda aholi va hududlar xavfsizligini ta’minlash, favqulodda vaziyatlarning oldini olish hamda davlat organlari o‘rtasidagi hamkorlikni yanada kuchaytirishning ustuvor ahamiyatiga to‘xtaldi.

Yig‘ilishda Favqulodda vaziyatlar vaziri, general-mayor A.Ikramov “O‘zbekiston Respublikasi Favqulodda vaziyatlarning oldini olish va bunday vaziyatlarda harakat qilish davlat tizimi tomonidan 2026-yilning birinchi yarim yilligida amalga oshirilgan ishlar, saqlanib qolayotgan muammolar va oldinda turgan ustuvor vazifalar to‘g‘risida” aytib o‘tdi. 

2026-yilning o‘tgan olti oyi davomida amalga oshirilgan ishlar tanqidiy-tahliliy ruhda ko‘rib chiqilib, sohada saqlanib qolayotgan muammolar, ularni bartaraf etish mexanizmlari hamda kelgusi davr uchun ustuvor vazifalar belgilab olindi.

Ta’kidlanganidek, favqulodda vaziyatlarning oldini olish, ularning oqibatlarini kamaytirish va aholi xavfsizligini ta’minlash sohasida davlat organlari o‘rtasidagi o‘zaro hamkorlikni yanada mustahkamlash kelgusi davrdagi ustuvor yo‘nalishlardan biri bo‘lib qoladi.