Tadbirlar davomida cho‘milish taqiqlangan hududlarda dam olayotgan fuqarolar va nazoratsiz qolgan bolalar bilan tushuntirish ishlari olib borilmoqda. Kater, gidroskuter va boshqa kichik hajmli suzish vositalari egalari bilan xavfsizlik qoidalariga rioya etish, qutqaruv nimchalaridan foydalanish hamda xavfli manevrlarga yo‘l qo‘ymaslik yuzasidan suhbatlar o‘tkazilmoqda.

Shuningdek, amaliy o‘quv mashg‘ulotlari davomida suvda cho‘kayotgan shaxsni qutqarish usullari, qutqaruv anjomlaridan to‘g‘ri foydalanish, birinchi tibbiy yordam ko‘rsatish hamda yurak-o‘pka reanimatsiyasini bajarish tartibi amaliy tarzda namoyish etildi. Fuqarolarga favqulodda vaziyatlarda to‘g‘ri harakat qilish ko‘nikmalarini shakllantirish maqsadida mutaxassislar tomonidan zarur tavsiyalar berildi.